Schlankheitswahn

A Pfond mehr auf de Rippa, aber sonst immer g'sond,
und it mager wia a Zaulatt und dirr wia a Hond.
Vielleicht kommt wieder a Zeit, was i sicher it möcht,
dann zehr' i vom Fett und de andre goht' s schlecht.

I ess' it viel und drink it viel und trotzdem werd' i dick
wenn des no lang so weitergoht dann nimm i mir en Strick.
Mei Körperbau und mei Figur verderbet mir mei Glück,
wenn i en neue Freund mol hau, sait der glei du bist z' dick.

In jeder Zeitung les i dann und studier' oft die Diäten,
probier dann au so dann und wann, wenn i ganz arg in Nöten.
Doch meistens stell i ganz schnell fest hier wird zuviel versprochen
mager werd mei Geld im Beutel, doch i bleib stark um meine Knochen.

Ab heut' pfeif i auf die Figur und denk mir dann dabei,
wenn einer mi halt so it will dann, Pfüagott, Servus, Goodby.
Vielleicht isch so a Schmalspurreh für oin das größte Glück,
doch i bin liaber bumperl g'sund und halt a bissle z' dick.

© by Johannes Wiest, Memmingen